පැටලීම....!

Friday, July 30, 2010 by සචී

උදෑසන

තණ බිස්ස මත

මකුළු දැලක රැඳවුණ...

හිරු රැස් වැදී දිලිසෙන

පිනි බින්දුවක්....

එහි රුවින් මත් වී

තමාගෙම වියමනෙහි පැටළුන

මකුළුවෙක්....!

30/07/2010

Posted in | 3 Comments »

Rejuvenation...

Saturday, July 17, 2010 by සචී

සඳලුතලයට විහිදුණ

කොස් අත්ත

පා කරන්නිය සුළඟට

වරින් වර

සිය වියළි කොළ..

ඉඩ දෙනු පිණිස

අලුත් දළු වලට.

17/07/2010

Posted in | 1 Comment »

ඇසළ සඳ..

Friday, July 9, 2010 by සචී

නළල දිග
සින්දූර ගලා ගිය
කළුම කළු දැළි සුසුම්
අහස් කුස ඉඹ ගත්ත.....,
පාළු මූසල රෑක
වෙඩි වැදී
තනි තරුව බිම වැටුණ....,
කඳුළු මතකය අරන්
හෙමි හෙමින් නැගෙනවා
ඇසළ සඳ...!

09/07/2010

Posted in | 3 Comments »

Lovely jealousy..!

Wednesday, July 7, 2010 by සචී

හිරු දැක පිපුණ
මහනෙල් කැකුළ අබියස
ඉරිසියාවෙන් රතුව
බත් කූරෙක්....
මහනෙල් කැකුළ
ඒ ගැන තුටින්...
මඳ සිනා පාමින්...

07/07/2010

Posted in | 1 Comment »

පොද වැස්ස....!

Monday, July 5, 2010 by සචී

අද පිපී

හෙට මියෙන

අහිංසක

බිම් මල් රැගෙන

ආයෙමත් ඇවිත්..

සියුම් තුඩු දහසක් වගේ

මුහුණත වැදෙන

හීනි පොද වැස්ස....!

05/07/2010

Posted in | 0 Comments »

Negligible.......

Sunday, July 4, 2010 by සචී

දියවෙලා තියෙන ලුණු
නොසළකා හැරිය විට
සප්ත මහ සාගරේ
පිරෙන්නම ඇත
වතුර..!

30/06/2010

Posted in | 7 Comments »